Indonesia, 6 Juni 2014

Indonesia, 6 Juni 2014

Jaman semono

Dalan-dalan isih dadi alas

Tanpa ana omah tingkat sepuluh luwih

Numpak onthel wae ora ketulungan

Apa maneh ngerti listrik lan sapanunggale

            Ananging

Ndilalah satus telulas taun kapungkur

            Ana cahya kang padhang njingglang

            Cahya kang ndadekake jagad iki lair

            Jagad ingkang saka Sabang tumekan Merauke

Anamung

Gara-gara pilihan tanggal 9 Juli 2014 iki

Akeh wong padha lali

Lali mrang laire bapak proklamator

Alah mboh, wong jaman saiki

            Beda sithik, malah padha ngenyek

            Malah pisuh-pisuhan

            Malah padha gelut

            Mbokya elinga

            Iki arep pilihan presiden

            Ananging aja lali mrang bapak insinyur

            Insinyur Soekarno