Tinugelaning Tyas

Tinugelaning Tyas

Aruna kang padhang njingglang iki

Candra uga ora gelem ngalah

Kartika kang kelap-kelip katon kaloka

Mustika tan angrebut prana

Puspita lan padma ingkang nyengsemake jiwa

Sanadyan kaya mangkono

Sliraku isih amilih sliramu

Esemanmu pait-pait madu

Solah bawa budi pakartimu arum wangi

Tutur gunemanmu pancen agawe adhem ayem

Menawa sliraku bisa sesandhingan karo sliramu

Rasane kalbuku kepingin nembung

Tinugelaning atiku, apa lagi kokgawa ?

Katrangan :

Aruna : srengenge

Candra : rembulan

Kartika : lintang

Kaloka : misuwur/kondhang

Mustika : intan

Prana/kalbu : ati

Puspita/padma : kembang

Minggu 13/04/2014 tabuh 12:49