Paedahipun
Mata Kuliah Retorika Jawa Wonten
Masyarakat
Retorika,
inggih menika ngelmu babagan olah swara, raga, lan busana, miwah basa lan
sastra. Utawi saged dipunsebat ngelmu pambiwara. Pambiwara inggih menika tiyang
utawi priyantun ingkang tinanggenah ngendhaleni utawi mranata lumampahing
adicara utawi pepanggihan saha amarsudi murih lumampahing pawiwahan utawi
pahargyan saged rancag saha runtut1. Retorika Jawa menika ngginaaken
basa Jawa ingkang sae. Ing semester gangsal menika, wonten mata kuliah retorika
Jawa. Tujuwanipun mata kuliah retorika Jawa inggih menika para maha-siswa
sastra Jawa gadhah ilmunipun adiwicara.
Paedahipun
mata kuliah menika wonten masyarakat, saged masyarakat dhusun utawi kitha ugi
kathah sanget. Ingkang kaping setunggal menawi wonten acara adat. Acara adat
menika cacahipun kathah. Menawi wonten tiyang ingkang kagungan kersa pawiwahan
penganten, kita saged dados pambiwara. Lajeng tiyang ingkang kagungan kersa
menika boten repot anggenipun madosi pambiwara ingkang sanes. Pramila kita
saged mbiyantu tiyang ingkang kagungan kersa dados pambiwaranipun.
Ingkang
kaping kalih, menawi wonten acara sepasaran bayi, tiyang ingkang saged dados
pambiwara inggih menika migunani sanget. Menawi sampun ngertos ngelmunipun
adicara, kita saged tulung-tinulung marang tiyang sanes ingkang kagungan kersa.
Lajeng acara kadosta pangaosan, sarasehan, kempalan RT/RW, utawi pengetan 17
Agustus menika migunaaken pambiwara.
Ingkang
kaping tiga, ngelmu pambiwara menika ugi saged kita ginaaken menawi pidhato
wonten ngajeng. Salah sawijining tuladha, menawi kita dipundhapuk dados
pengurus, pangarsa, ta’mir masjid, ngantos dinten-dinten ingkang dipunpengeti
kadosta dinten Kartini, dinten kamardhikan NKRI, lan sapanunggalipun.
Ugi
taksih kathah sanget ginanipun mata kuliah retorika Jawa wonten masyarakat.
Mangga kita sedaya nguri-uri budaya Jawi ingkang endah menika ngantos benjang.
Matur nuwun.
1. Drs.
Imam Sutardjo, M.Hum, Pidhato Basa Jawi.,
hlm. 15
0 comments:
Post a Comment