Semangat Nggayuh Kamardikan

Semangat Nggayuh Kamardikan

Dhek jaman semono

Langit pertiwi peteng dhedhet

Bumi nuswantara udan ludira

Lor kidul kebak sungkawa

Etan kulon kebak duhkita

            Ananging

            Ana cahya kang padhang jingglang

            Cahya kang suminar aneng jiwa-jiwa

            Jiwa-jiwane pra satriyaning bangsa

Ingkang mandhegani paprangan mungsuh walanda

Ingkang ngobarake semangat nggayuh kamardikan

Ingkang ngurbanake jiwa raga

Agawe nuswantara terang gumlintang

Ayem tentrem gemah ripah loh jinawi

Tumekan tembe buri ...